TOUR REGELS JULI 2019

Regla i rekomendashon di " Leu Fo`i Kas Tours"

Na tur nos reunionan nos ta splika masha hopi kos entre otro: No keda sin tuma un reis en ziekteverzekering. Si na bo pais por, anto tuma tambe un annuleringsverzekering. Ku nos eksperensha nos a ripara ku kasi 30% di nos hendenan no ta hasi esaki, pero ta nos deber di avisa i rekomenda esaki. Borgsom pa garantisa bo reservashon no ta worde duna bek. Tambe, si bo kansela bo tour menos ku 6 siman prome ku e salida di e tour, e hotels i touringcar no ta duna plaka bek. P`esey tin e annuleringsverzekering.

No mas ku 1 maleta grandi di tamano normal pa persona, i si ta posibel un maleta duru ku wiel abou, pasobra na Europa den kasi ningun hotel tin bellboys i tambe segun e reglanan di aktualidat pa e busnan internashonal mester paga ektra plaka pa tur kilo ariba 25 kilo.

Nos tour ta basa ariba kamber dòbel, i ora un pasahero ta bai su so nos ta buska un bon hende pa parti su kamber kune manera tur otro tours ta hasi. Ta hopi duele pa un persona mester paga 42% mas pa un kuarto singel, solamente si e mes ta desea esaki. Tripel ta hopi difisil den varios hotels na Europa. P`esey e tour aki ta basa ariba 2 of 1 persona den kamber. Dòbel of singel. Tin biaha ariba un of otro tour por logra ku esnan ku kier bai den un triple por hanja esaki den 8 di kada 10 hotels ku nos bai. Pero sigur no den tur hotels.

Nos paradanan di salida ta: Un hotel na Schiphol of un hotel den bisendario di Schiphol.  

Korda di bini ku boso remedi di kustumber ku bo tin konfiansa aden.

Salida ta dia 8 di Juli for di Schiphol of bisendario pa 8:00 di mainta. 

Regreso ta dia 27 di Juli entre 19:00-19:30  na Schiphol of bisendario.

Un bon kuminda kayente ta kosta entre 16€ pa 18€ i e bebida apart. Esnan ku gusta kome 2 biaha kuminda kayente pa dia mester kalkula esaki 2 biaha pa persona. Kuminda kayente no ta inklui.

Den nos "Super Europa Tour" di Juli 2019 ta inklui entre otro: Bus moderno di kalidat ku servisio na bordo, hopi bon hotels ku desayuno inklui. Tours bunita ku mi persona of ku guianan profeshonal den varios siudat i un tour ariba e riu Seine den boto na Paris. No inklui ta: Un trip pa bai den e teleferiko na Zwitserland ku solamente esnan ku no tin hoogtevrees i hoge bloeddruk.

Pa esnan ku ta desea di bai subi den e teleferiko i no tin hoogtevrees of hoge bloeddruk e ta kosta pa hende grandi entre 75 € i 85€ depende di e kurso di e dia i pa  mucha serka 45 Euro. E ta algo fabuloso.

DANKI PA BOSO KONFIANSA I PASA UN TREMENDO VAKASHON.